أعلنها من موقعي هذا باللامكان ..
بالتوقيت الحالي في اللازمان ..
في مرحلةٍ ليست بالشباب .. وليست بالكهولة ..
حيثُ لا حياةَ .. ولا موت !
هنا .. وهنا فقط ..
أشاهدُ الأحياء من بعيد ،
وأرقبُ الأمواتَ من مكانٍ قصيّ ..
أفعل كل ذلك .. بصمتٍ ظاهريّ ..
لأختار أين أكونُ في المستقبل ، فإما بين هؤلاء .. أو عند أولئك !
" مجرد خربشة وليدة اللحظة !! "
.jpg)
هناك 14 تعليقًا:
أنتظرك
انستي العزيزه الوحشه اللى مش بتسأل
اولا وكالعادة:
الصوره فوق الروعه
وعلشان كده بتجذب نظري قبل الكلام
ثانيا بقى
حسستيني بالتوهان
لا زمان
ولا مكان
ولا شباب
ولا بتاع
طب هو انتي قصدك ايه؟؟؟
بجد
لا بجد!!
انا معجبة جدااااااااااااااااااااااا بكتابتك
انتى حد موهوب اوى مشاء الله
كل كتاباتك رائعة
اسلوب وكلمات ومضمون
البلوج بتعاتك جميلة جداااااا
الصور اللى بتختاريها فوق الروعة
بجد احييكى وربنا يوفقك
مادو
وأنا كذلك أنتظرني :)
نورت المدونة :)
الآنسة البرنسيسة ويسبر
المفروض إنتي الكبيرة .. مبتسأليش ليه بقى ؟ أفهم لو سمحتي ؟؟
الحمد لله إني طلعت فالحة في حاجة وبعرف أنقي صور اهو:)
تصدقي أنا كمان بفهم قصدي بصعوبة :P
يعني إحساسك بالتوهان هو الإحساس اللي أنا عاوزاه يوصلك فعلا .. شر بعيد عنك :P
بصي يا ستي
اللي أقصده إني تايهة فعلا .. وتقدري تقولي بدور على نفسي .. وفي النهاية أكون أو لا أكون ، لو جيت بين الأحياء ده رمز إيجابي ، يعني حلاقيني وحعرف أكون حاجة ، لو بين روحت بين الأموات ده رمز سلبي ، يعني حفضل ضايعة للأبد .. فهمتي حاجة ؟
أوريجينال هارت
بجد
لا بجد بجد .. بتوريني يا قمر :)
وربنا يخليكي على الكلام المشجع ده ..
بالنسبة للصور والبلوج
يعني .. كح كح .. دي حاجة بسيطة
:D
وربنا يوفقك إنتي كمان يا قمر :)
الحمد لله طلعت بفهم هههههههه
طيب يا ست الصغننه تعالى صالحيني بقى وخدي التاج يا قمر "اموشن بيطلع لسانه"
تاج تاني يا ويسبر .. وكمان اموشن بيطلع لسانه ..
ده ظلم واضطهاد وقهر
ماشي يا جميل جيالك في الطريق ..
كح كح .. دى حاجة بسيطة
مشاااء الله
طيب عاوزين نشوف الاجمد
مستنية ابداعاتك
على فكرة انا عازوة اشووفكككككك
ان شاء الله لما ننزل الكلية اكيد لازم نتقابل
لما الموضوع يبقى عن اكتشاف النفس وتحديد من نكون المكان والزمان وكل المقاييس بتوه ان شاء الله تكونى كما تريدين واحسن
انتى بنوتة عسولة ورقيقة واجاباتك عن التاج تقول انك حد جميل فان شاء الله حتكونى فى مستقبلك بكل خير
متأخرة دائما انا عارفة
سلام
أوريجينال هارت العسولة المنورة :)
ما هو أصل بطبيعتي إنسانة بحب البساطة وعايشة بالبساطة :D
الحاجات الجامدة في مشوار كده وهتيجي بعد 3000 سنة إن شاء الله :P
وأكيد يا جميل لازم أشوفكوا كلكو لما الكلية تبدأ .. إن شاء الله
كلام وخلاص :
آمين يا رب ربنا يسمع منك .. ولكِ المثل طبعا
وشكرا على الكلام الحلو ده يا جميل
مش مهم التأخير المهم إنك تنوريني :)
في زحمه الحياه تضيع الكلمات والحروف ويكون الصمت هو الافضل
فكل من حولنا كاشباه بشر نسمه من الهواء تقذفهم من هنا لهناك
ولا يوجد في ايدينا غير الصمت من اجل النهايه
دائما رائعه
عاشقة الصمت ..
فعلا الصمت أفضل في كل الأحوال .. الكلام بيقلل من قيمة الفرد قدام نفسه على الأقل !
منورة :)
إرسال تعليق