من كام ساعة كلمتني واحدة صحبتي في التليفون ،
وقالتلي إنها عندها مناسبة ما وعايزاني أنزل معاها عشان تجيب جزمة جديدة :D
المهم حضرتي متأخرتش ..
قمت لبست ويدوبك حطلع من الأوضة اهو عشان أنزل
لقيت بابا بيناديني
خير يا حاج ؟
اتبعتت رسالة على الموبايل إن النتيجة شرفت :D
وعلى ما يبدو إن جزمة صحبتي كان وشها حلو عليا
نجحــــــــــــــــت الحمد لله
بجد ربنا كرمني جامد
مع تحفظ وجود مادة الأسطوانة اللي شغالة اتمردت عليا ومقلتش تقديرها ،
في الواقع هما اتنين بس واحدة منهم أنا عارفاها من الترم الأول
والتانية ربنا يطمني عليها قولوا آمين
وبالمناسبة السعيدة دي أنا فتحت التعليقات يا بشر
وعلى الله متملوش الدنيا تعليقات
ومبروك لكل واحد نجح ، وعقبال كل واحد مستني نتيجته
وعقبال المادة الفاضلة عندي تحصل أخواتها وتنجح !
واستنوني قريب جدًا في خاطرة جديدة اسمها عن الفارس الملثم في حارة الخربشات
الاشتراك في:
تعليقات الرسالة (Atom)
.jpg)
هناك 8 تعليقات:
ألف ألف مبروك ...
عبقال التخرج بسرعة بسرعة إن شاء الله ...
الله يبارك فيكي يا جنين
ربنا يسمع منك يا رب وألاقي نفسي متخرجة أد الدنيا :) ..
ولكِ المثل طبعا :)
مبروك مبروك .. مبروك
مبروك عليكم وعلينأأ
عقبال التخرج ان شاء الله :D
الله يبارك فيكم وفينا :D
وربنا يجعل التخرج بعد تلات سنين فقط لا غير :D
الف مبروك
ويارب عقبال كل سنة وعقبالى انا كمااان
الله يبارك فيكي يا أورجينال :)
وعقبالك .. هتنجحي إن شاء الله :)
جبتي الجزمة يعني ؟؟؟؟؟؟؟؟؟؟
مبرووووووووووووك يا ايتها المهاجرة
وعقبالى يارب
لا يا ويسبر أصرت تجيب صندل :D
الله يبارك فيكي يا جميل .. وحقيقي عقبالكم .. النتيجة بتاعتكو زمانها خللت في الكنترول
إرسال تعليق